Drejtori i Shkollës së mesme të ulët “Lidhja e Prizrenit”, Betim Qorraj, sot nëpërmes rrjetit social Facebook, ka përçuar mesazhin më të keq për arsimin në këtë komunë, duke e vlerësuar veten dhe njerëzit afër tij si “gomarë”.

Për më tepër thotë se, edhe nëse 350 vite të jetonin, prapë të tillë do të mbeten.

Ai ndër të tjera harron se është drejtor i shkollës më të madhe në komunë, ndërkaq me këtë shkrim ofendon nxënësit, mësimëdhënësit dhe gjithë qytetarët , duke vlerësuar se Shkolla e mesme e ulët “Lidhja e Prizrenit” udhëhiqet nga një “gomar“.

Se gjendja në arsim në komunën e Deçanit është për të ardhur keq, më nuk përbën lajm.

Lajm nuk përbën as fakti që partia në pushtet e ka politizuar skajshmërisht arsimin, mirëpo lajm historik është fakti se drejtor i shkolles më të madhe në komunë është një “gomar”.

Ne sinqerisht nuk kemi asgjë kundër “gomarëve”, mirëpo kërkojmë nga pushteti që të ndërmarrë masa të menjëhershme, duke e shkarkuar nga detyra drejtorin e shkollës z.Betim Qorraj, si dhe në të ardhmen, në asnjë rast dhe rrethanë, asnjë “gomar” të mos mund të jetë më drejtor i ndonjë shkolle në komunën tonë thuhet ne reagimin e  Degës së  LDK-së, në Deçan.