Presidenti i vendit, Hashim Thaçi, do të mbledh në një takim në zyrat e tij në Presidencë, kryeministrin Ramush Haradinaj, kryekuvendarin Kadri Veseli si dhe kryetarin e Nismës Socialdemokrate, Fatmir Limaj.

Klan Kosovës i është konfirmuar se takimi që mbahet në orën 12:00 është inicuar nga kryekuvendari Kadri Veseli.

Mësohet se në takim do të diskutohet për platformën e dialogut si dhe taksën prej 100 për qind ndaj produkteve me origjinë nga Serbia dhe Bosnja.

Ekipi negociator i Kosovës pritet që nesër ta prezantojë në Kuvendin e Kosovës platformën për dialogun me Serbinë.