‘France Football’ vazhdon t’i rendisë futbollistët nga 30 deri në 1, kur do të mësohet përfundimisht fituesi i ‘Topit të Artë’ për vitin 2019. 30 kandidatët ishin mësuar tashmë në tetor…

Pasi u kompletua pesëshja e fundit, nga 26 deri në 30, me Joao Felix (Atletico Madrid), Marquinhos (PSG), (Donny van de Beek), Karim Benzema (Real Madrid) dhe Gini Wijnaldum (Liverpool), janë mësuar edhe gjashtë emra tjerë, nga 20 në 25, raporton Gazeta Express.

Kalidou Koulibaly është renditur nga ‘France Football’ si futbollisti i 24 më i mirë për vitin 2019, vend që e ndanë me portierin e Barcelonës, Marc Andre Ter Stegen.

Derisa i 23-ti është renditur Hugo Lloris i Tottenham, në vendin e 23.

Para tij janë vlerësuar si më të mirët për vitin 2019, Son Heung-Min (Tottenham) i 22-ti dhe Aubameyang (Arsenal) dhe Tadic (Ajax), të cilët ndajnë pozitën e 20-të.

Deri më tani janë zbuluar 11 emra, tani do të mësohen edhe 9 emra të tjerë para se publikohet 10-shja më e mirë në botë, ku edhe do të zbulohet fituesi i ‘Topit të Artë’ për vitin 2019.

Më i miri besohet të jetë Lionel Messi i Barcelonës.

TË NGJASHME